Ehemplo ng Sipag At Tiyaga

Musikang Himig

Naniniwala ba kayo sa salitang posible? Kung ako ang tatanungin, kahit sino naman ay siguro ay naniniwala. Ngunit may mga tao lang talagang nawawalan ng pag-asa. May isang taong hindi nawalan ng pagasa sa pagkamit ng kanyang mga pangarap. Siya ay si Liu Wei na nakatira sa Tsina. Siya ay may pisikal na depekto o kapansanan. Isang araw, noong siya ay naglalaro kasama ang mga kaibigan, nahawakan niya ang isang high voltage wire. Dahil sa pangyayaring iyon, kailangang putulin ang kanyang dalawang kamay. Kung ikaw kaya ang nasa kalagayan niya, magagawa mo pa bang magsumikap sa buhay upang makamit ang ninanais na mga pangarap? O tatanggapin na lamang ang katotohanang ikaw ay isa sa mga taong may kapansanan? Bago magpasya subukan mo muna sumubok at tunghayan ang kwento sa likod ng makulay na buhay ngayon ng isang piyanista na si Liu Wei.

Sa loob ng dalawampung-taong pamumuhay sa mundong ibaba,ay sampung taon namang siyang nakaramdam at namuhay ng may dalawang kamay, katulad ng mga normal na tao. Si Liu Wei ay isang Tsino na may kakakayahang tumugtog ng piyano gamit ang daliri sa paa. Siya ay ipinanganak noong ikaw-7 ng Oktubre taong 1987 sa Beijing, China. Noong siya ay sampung taong gulang pa lamang, naranasan niya ang isang pangyayaring nakapagpabagao ng kanyang buhay. Naglalaro lamang sila ng kanyang mga kaibigan nang siya ay makuryente. Nagkaroon lamang siya ng malay pagkaraan ng apatnapung araw. Palagi siyang pinapayuhan ng kanyang ina na matutong maging "independent" o tumayo sa sariling mga paa. Siya raw ay dapat kumain, magsipilyo at gumawa ng ibang gawain gamit ang kanyang mga paa. Dagdag pa niya, para raw sa pagtanda nila ay kaya na niyang alagaan ang sarili. Habang nasa ospital, siya ay may nakilalang isang pintor na wala rin kamay. Nang dahil sa pintor na ito, natutunan niyang magsumikap.

Si Lui Wei ay nagsimulang sumali sa mga kompetisyon. Sa kabila ng kanyang kapansanan, siya ay matagumpay na nakamit ang pangarap. Bago niya makamit ang tagumap, marami siyang napagdaanan. Sa kagustuhan niyang matutuong magpiyano, kumuha siya ng eksperto sa pagpapiyano at siya'y nagpaturo, ngunit nawalan ng pag-asa ang kanyang guro sa pagtuturo sa kanya tulad niya. Hindi naging hadlang sa kanya ang pagalis ng kanyang guro. Pagkalipas ng dalawang taon matapos ang aksidente, sumali siya sa isang swimming team; Beijing's Paralyzed swimming team. Siya ay nakakuha ng dalawang medalya sa National Paralyzed swimming championship. Pagkatapos niyang makakuha ng dalawang medalya, siya ay nagkaroon ng allergy purpura at siya'y nadiagnosed, Nang ito'y nalaman ng kanyang ina, ito'y napatingin at napasigaw sa langit " Ano ba ang nagawa kong mali para mangyari ito sa amin? " Dahil sa nangyaring iyon ay nalipat naman ang pagkahilig sa isports nito sa musika. Sa kabilang dako - maalala niyo na nialisan saiya ng kanyang guro. Subalit hindi iyon naging hadlang sa kanya upang makamit ang ninanais. Nagsumikap siyang turuan ang sarili sa kabila ng kanyang kapansanan. Siya ay nag-ensayo ng piyano pitong oras kada araw. ayon sa kanya, ang melodiyang kanyang napaptugtog ay may limitasyon at iyo ay ayon lamang sa kakayahan ng kanyang mga paa. Hindi siya nakatutugtog ng kanyang ninanais na tugtugin dahil sa itoy hindi na abot ng daliri ng kanyang mga paa.

Sa bahay natin, hindi mo maiiwasan ang mga problema at pagsubok na laging handang sumalubong sa iyo. Kahit anong pigil mo ay hindi ka parin magtatagumpay, sapagkat parte na ito sa buhay ng tao. Ang maaari mno na lamang gawin ay huwag mawawalan ng pag-asa, magtiwala sa sarili at lalo na sa Panginoon. Huwag nating kalilimutang nariyan lang ang ating mga magulang at mga kaibigang laging gumagabay at nagmamahal sa iyo. Huwang mong iisiping nagiisa ka lamang ngunit huwag kang aasa sa kanila. Humugot ka lamang ng lakas ng loob sa kanila nang mapagtagumpayan ang haharaping delubyo ng buhay. Kung tutuusin, maswerte tayong mabiyayaan ng buhay at mabigyan ng pangalawang pagkakataon. Bibihira na lamang ang mga iyon. Ang tawag nga ng iba noon ay "God's Miracle". Magtiwala lamang sa ating panginoon dahil sa kanya, walang imposible.